Zer da Emakumeon* Etxea?
Emakumeon* Etxea emakumeok emakumeontzat eraikitako espazioa da. Emakume anitzak ezagutzeko aukera emango digun lekua da, gure interes berdinak izan ditzaketen emakumeekin elkartzeko eta hainbat gai lantzeko.
Aisialdirako gune aproposa da eta, horrez gain, guretzat beharrezkoak diren hainbat zerbitzu eta bidelaguntza eskaintzen ditugu. Beste emakumeekkin saretzeaz gain, elkartuta sentitzeko guneak ere badira.
Play Video
Zer eskaintzen dugu?
Ahalduntze Eskolak berdintasunera bidea eraikitzeko estrategia gisa planteatzen ditugu, jendarte berdinzalea eraikitzeko beharrezkoa baita emakumeok* ahalduntze edo boteretzea. Eskola hauetan hainbat ikastaro eta tailer eskaintzen dira: kirol eta gorputz mugimendua, artea eta eskulanak, baita emozien kudeaketa eta autoestimua lantzen lagunduko digutenak.
Saregileko talde finko eta autogestionatuak dira elkarguneak, ikuspegi feministatik gai konkretuak landu, hausnartu eta partekatzeko espazioak.
-Munduko emakumeen topagunea
-Amatasunak partekatzeko espazioa
-Irakurle taldea
-Neska* gazteak feminismorantz!
Hitzaldiak, tailerrak, emanaldiak, antzerkiak, monologoak, bilera irekiak… Saregileko ekintza guztiak aurkituko dituzu gure agendan.
Egoera anitzen aurrean, hainbat sektoretako profesional feministen laguntza jaso dezakezu Saregilen doan.
-Aholkularitza juridikoa
-Bidelaguntza psikologikoa
-Sexu eta bikote aholkularitza
-Indarkeria matxista kasuen arreta eta bideraketa